曼聯讓主愛不釋手

A478782642卫星 · 发表于 2012-4-22 12:48

曼聯對愛華頓嘅焦點喺晒朗尼身上，因為「小胖哥」只要入多一球，就可以追平佐治貝斯同丹尼士羅嘅紀錄，雖然佢近6次倒戈都冇着落，不過數據係要嚟破嘅，加上曼聯志切爭霸，捧「-1」撐朗尼啦！（周日18，有線200及300台周日7:30pm直播）

自從英超成立以嚟，曼聯無論主客都食硬「拖肥糖」，總往績係30勝7和4負，單計喺奧脫福交手，曼聯更加獲得15勝4和1負佳績，上一次主場輸俾愛華頓要數返去20年前，講歷史簡直有壓倒性優勢。就算唔講咁遠，就以近幾場嚟計，「紅魔鬼」都係秤先嘅一方，球隊今年內打過15場英超，當中取得12勝1和2負，何況而家係爭標最後直路，試問曼聯點會再輕易失分呢？
插水插到連自己球迷同領隊費格遜都鬧嘅艾舒利楊格，今場有冇正選就未知，不過朗尼就肯定會擔正喇！事關「小胖哥」代表曼聯踢378場比賽已經轟入178球，只要隊多粒就可以平名宿佐治貝斯同丹尼士羅嘅紀錄，進駐曼聯累積射手榜第4位，雖然佢近6次倒戈母會都冇着落，不過朗尼上場對維拉先梅開二度，呢場有權乘勇破尷尬宿命。

愛華頓風流波等收工
坦白講，喺足總盃4強出局之前，愛華頓的確有種愈戰愈勇嘅氣勢，雖然佢哋只係打風流波等收工，但依然喺聯賽淨勝史雲斯、西布朗同新特蘭，好可惜球隊上場又俾同市嘅利物浦打沉，連帶足總盃嘅好夢都幻滅，士氣同信心點都會有影響。
謝拉域已經證實咗係一單成功收購，不過快馬德倫特就因為操練成日遲到，搞到俾會方內部停賽，加上出擊左閘巴尼斯陣前受傷，搞到領隊莫耶斯頭都大埋，所以足智彩開讓球主客和，放心捧志切衛冕英超嘅曼聯開「讓主」啦！記得順手撐埋朗尼3.25倍「首入」呀！

该贴已经同步到 A478782642卫星的微博

		自动登录	找回密码
密码			立即注册